Waqt hai ... waqt se pehle sambhal jao

Cricket ho ya pyar ... agar timing sahi nahi hai toh kuch nahi hai

Aakhri chand second hi toh haar aur jeet ka faisla karte hai

Zindagi aur waqt ka dariya aaisa hai ... aadmi ek baar usse laang jaye toh phir kabhi vapas nahi aa sakta

Nail polish kisi bhi time lagana ... har ladki ka birthright hota hai

Zaroori nahi hai ki har baat har waqt doosron ko batayi jaye ... har baat batane ka ek sahi waqt hota hai

Woh chahe hazaaro ghadiyaan khareed le ... magar unmein woh sirf waqt ko dekh sakte hai ... waqt ko ghulam nahi bana sakte

Aaj itni derr ho gayi ... kabhi darwaze ko dekhte the kabhi waqt ko ... na tum aate the na waqt jata tha

Waqt ke aage kisi ki nahi chalti ... isliye waqt par hi chod dijiye

Main hamesha ek second aage rehta hoon

Waqt aane de bata denge tujhe aye jahaan ... hum abhi se kya bataein, kya hamare dil mein hai

Kismat se thoda sa waqt ... aur waqt se thodi si kismat churane aaya hoon

Ek waqt par main sirf ek hi kaam karta hoon ... jab peeta hoon toh khoob peeta hoon ... aur jab duty karta hoon toh sirf duty karta hoon

Galat waqt mein insaan galat faisla leta hai

Abhe tu Titanic waali ko dekh le ... chal maana ki lakdi pe ek aadmi ke fit hone ki jagah thi ... toh pandra-pandra minute ki baari nahi le sakte the

Kya mazaa baar baar milta hai tumhe humse rooth jaane mein ... roothne mein lagti hai do ghadiyan, umar kat jayegi manane mein

Agar samay manushya ka mitra ban gaya, toh jeevan mein bahut upar pahunchata hai ... lekin agar shatru ban gaya, toh hamesha ke liye upar pahunchata hai

Aandhi jab chalti hai na ... toh haath chhodne ka nahi, haath thaamne ka waqt hota hai

Taqdeer guzre hue kal aur aane waale kal ke beech ka hi doosra naam hai ... kismat in do palon ki beech mein hi apna faisla sunati hai

Lakh baando tum hum mein zanjeer se ... waqt par niklenge phir bhi teer se