Sapna jab poora hota hai toh sapne jaisa hi lagta hai

Ek gareeb ki sabse badi daulat uski izzat hai ... aur woh izzat dekar bhi apna pyar, apne sapne kabhi nahi khareed sakta

Daulat mein hi woh taqat hai joh har sapna, har umeed, har umang ko haqeeqat mein dhaal sake

Har sapna toh sach nahi hota hai na ... kuch sapne aankh khulte hi hamesha ke liye toot jaate hai

Ab ke hum bichre toh shayad kabhi khwabon mein mile ... jis tarah sookhe hue phool kitaabon mein mile

Sapno ko bikharte dekha hai yahan ... umeedo ko simatte dekha hai yahan ... suna hai yahan bighade huon ko sudharte hai ... magar sudhre hue ko bighadte dekha hai yahan

Chakravyuh mein ghusne se pehle kaun tha main aur kaisa tha, yeh mujhe yaad hi na rahega ... chakravyuh mein ghusne ke baad mere aur chakravyuh ke beech sirf jaanleva nikatta thi, iska mujhe pata hi na chalega ... chakravyuh se bahar nikalne par main mukt ho jaon bhale hi, phir bhi chakravyuh ki rachna mein fark hi na padega ... maron ya maaron, maara jaon ya jaan se maardon, iska faisla kabhi na ho payega ... soya hua aadmi jab neend mein se uthkar chalna shuru karta hai, tab sapnon ka sansar usse dobara dikh hi na payega ... us roshni mein joh nirnay ki roshni hai, sab kuch samaan hoga kya ... ek palhade mein napunsakta, doosre palhade mein parush aur theek tarazu ke kaante par ardh satya

Maine kya kya sapne dekhe the ... byah karke honeymoon karne Switzerland jaonga ... lekin ab toh zindagi mein na switzer hai, na land hai, na honey hai, na moon hai

Kuch sapne saanp se bhi zyada zahreelay hote hai ... zindagi ka rang uda dete hai

Khwab aur hakikat mein jab bhi jung hoti hai ... khwab haar jaata hai

Joh khoya hai woh ek khwaab hai ... aur joh paaya hai woh lajawab hai

Darr asal mein is baat ka nahi hai ke hum bade sapne dekhte hai joh poore nahi hote ... asal mein darr toh is baat ka hai ke hum chote sapne dekhte hai joh poore ho jaate hai

Sapno ke saath do hi baatein hoti hai ... ya toh poore hote hai, ya toot jaate hai

Khwaab dil dekhta hai ... pura dimaag karta hai

Jeevan ek sapna hai, duniya ek maya hai ... yeh main nahi kehta hoon, yeh vedon ne bataya hai

Mere sapne ka sambandh aankhon se nahi hai, dil se hai ... jise mehsoos kiya ja sakta hai, dekha nahi ja sakta

Yahan lakhon logon ke karodon sapne hai ... kuch sache, kuch jhoote ... kuch ban gaye, kuch toote

Log toh soo ke sapne dekhte hai, par main toh jaag ke sapne dekhta hoon ... aur sapne toh wahi sach hote hai joh jaag ke dekhe jaate hai

Har bada sapna dekhne waala aadmi kabhi na kabhi jail zaroor gaya hai

Number one ke sapne paalna khatre se khali nahi hota