Kehte hain agar kisi cheez ko dil se chaho ... to puri kainaat usse tumse milane ki koshish mein lag jaati hai

Aag joh dil mein lagi hai, usse duniya mein laga doonga main ... joh teri doli uthi, zamaane ko jalaa doonga main

Zindagi ho toh smuggler jaisi ... sari duniya raakh ki tarah neeche aur khud dhuen ke tarah upar

Itni shiddat se maine tumhe paane ki koshish ki hai ... ki har zarre ne mujhe tumse milane ki saazish ki hai

Hum shareef kya hue ... poori duniya hi badmash ban gayi

Sari duniya pyar mein padi hui hai ... sirf ek mujhe hi haq nahi hai? ... ki main kisi se pyar kar sakun, koi mujhse pyar kar sake ... kyun?

Aag suraj mein hoti hai, jalna zameen ko padta hai ... mohabbat nigahein karti hai, tadapna dil ko padta hai

Basakar dilon ko mittati hai duniya ... hasakar hamesha rulati hai duniya

Mana ki tu ek insaan hai sari duniya ke liye ... magar sari duniya hai kisi ek insaan ke liye

Apne hisse ki zindagi toh hum jee chuke Chunni babu, ab toh bus dhadkano ka lihaaz karte hai ... kya kahen yeh duniya waalo ko joh, aakhri saans par bhi aitraaz karte hai

Pyar ishq mohabbat ... duniya ka sabse aakhri aur khatarnak nasha hai

Duniya ke sabse behtareen aur mashoor kalakar woh log hote hai jinki apni ek ada hoti hai ... woh ada joh kisi ki nakal karne se nahi aati ... woh ada joh unke saath janam leti hai

Itna guroor toh chaand ko bhi nahi hai

Duniya mera ghar hai, bus stand mera adda hai, jab mann kare aa jana, Raju mera naam hai ... aur pyar se log mujhe bulate hain ... coolie no. 1

Ek bas seene mein dil chahiye ... aap poori kaiyanaat se ladh padoge

Chaand ko chuhne ka waqt aah gaya hai

Duniya mein teen cheezen hoti zaroor hai lekin kisi ne dekhi nahin ... bhooton ka sansar, sacha wala pyar aur Bahattar Singh ki raftaar

Sabse bada kalakar toh woh hai ... usne itni badi duniya banai ... phir is duniya mein hazaron log banaye, hazaron logon ke haathon mein karodon lakeerein kheench di ... sukh ki, dukh ki, izzat ki, pyar ki, sab likh daala saala ... lekin woh mujhse itna pyar karta hai ki usne mere haath mein sirf ek lakeer kheenchi, sirf ek ... kaali kismat ki kaali lakeer

Taqdeerein badal jaati hai, zamana badal jaata hai, mulkon ki tarikh badal jaati hai, Shahenshah badal jaate hai ... magar is badalti hui duniya mein mohabbat jis insaan ka daaman thaam leti hai ... woh insaan nahi badalta

Agar andha hota, toh duniya ki sabse haseen cheez dekh nahi pata ... aap