Jis insaan ne pehli baat jhoot se shuru ki ho ... usse kisi aur ko jhoota kehne ka koi haq nahi hai

Har baimaan aur bure aadmi ke seene mein khauff bhar dena chahta hoon main

Hukum leta nahin, professor hukum deta hai

Main illegally legal kaam karta hoon ... legally illegal kaam nahi

Jiske paas koi saboot ya gawah na ho ... kya woh nirdosh nahi hota?

Abhi hamari ek mulaqat aur hogi ... aur woh tumhare liye aakhri hogi

Apni sharton pe chalne waale ko keemat chukani padti hai

Teri mitti jazbaat se judi hai aur meri akkal pani se ... tu jaan de sakta hai, main jaan le sakta hoon

Tarai mein rehne walon ko oonchai pe rehne walon ki hamesha zaroorat padti hai

Gareebi se bada is duniya mein koi shraap nahi hai ... aur bhook se bada koi dukh nahi

Aadmi apni buraiyon ke liye doosron ko dosh deta hai ... par sach toh yeh hai ... ki aadmi ke bheetar chupi apni hi koi kamzori hoti hai jiske kaaran woh bura banta hai

Insaan bhi ajeeb hote hai ... baat kehni kisi se hai magar kehte kisi aur se hai ... aur sabse zyada joh baat kehne mein sharmaate ya katrate hai ... woh hai pyar ki baat, mohabbat ki baat

Aadmi halaat aur kamzoriyon ki mitti se bana hua woh khilona hai ... jisse galatiyan hoti rehti hai

Agar aurat kisi se pyar karti hai, woh chahe kitna hi ghatiya ho ... lekin wohi uske liye sab kuch hai ... aur kisi se nafrat karti hai, woh chahe kitna hi mahaan ho ... lekin uske liye kuch bhi nahi

Meri zindagi maut ke naam ho sakti hai ... lekin mere purkhon ki zameen tumhare naam nahi ho sakti

Galatfahmi mein jeene waale ... asliyat mein mar jaate hai

Mohabbat ussi ka naam hai joh insaan ko qurbaaniya sikhati hai

Dil ke kuch taar aaise hote hai jinse woh khabaren bhi mil jaati hai ... joh bheji nahi jaati

Nishana meri pistol ka hi nahi ... meri dimaag ki soch ka bhi bahut pakka hai

Aaj main sari duniya ke samne sar uthake keh sakta hoon ... najane kitne janam lene ke baad, najane kitni tapasya ke baad ... tum jaisi maa, tum jaisi devi ka beta ban saka