Jab mohabbat ki aag dahek uthti hai na toh woh mandir aur masjid ki taraf nahi dekhta hai ... un aankhon mein sirf dekhta hai jinhe woh pyar karta hai

Woh sab kuch joh mujhe nahi kehna chahiye tha main tumse hamesha kehta raha ... ab jab kuch kehna chahta hoon toh kuch keh nahi pa raha hoon

Duniya kitni choti hai ... lekin do aadmiyon ke beech ka faasle kitne lambe ho sakte hai ... kitne bhayanak aur kitne kaale

Yeh thappad tune mujhe nahi apni naukri ke mooh par maara hai ... apne khandan ke ek ek aadmi ki khushiyon par maara hai ... apni zindagi par maara hai

Mujhse takkar lekar sirf do kisam ke log bach sakte hai ... ek woh jinka dil sacha ho ... doosra woh jinka waqt acha ho

Is duniya mein haq kabhi maangne se nahi milta ... cheenana padta hai

Mehengi sirf cheezein hi nahi hoti balki uske saath sab kuch mehenga ho jaata hai ... rishta bhi, naata bhi, pyar bhi, hasi bhi

Yeh nafrat aur mohabbat ki jung hai ... nafrat sar kaatti hai aur mohabbat sar jhukati hai

Agar sharifon ki betiyon ke liye pati ka ghar puja ka mandir hai ... toh tawaifon ki betiyon ke liye toh pati ka ghar na jaane kitne mandiron ki pujaon ka phal hai

Jab dimaag mein gussa ho aur aankhon mein nafrat ... toh nishana theek nahi lagta hai

Main yahan aaya toh tha ek saude ko bachane ke liye ... magar ab Meera ko uski qaid se azaad karne ke liye ... main apni zindagi ka bhi sauda kar sakta hoon

Meri nazar padne se pehle isse itni door le jana ... ki hawa bhi iska pata mujh tak na pahuncha sake

Jis din police aur fauj tum logon ki rakhail ban jayegi na ... us din yeh saara mulk ek randikhana ban jayega ... aur jaise chakle chalte hai na ... ussi tarah tum is desh ko bech daloge

Is duniya mein do kisam ke log hote hai ... ek tumhare jaise joh cheezein banate hai aur ek mere jaise joh unhe bechte hai ... aur aaj ki duniya mein mere jaise log ke bina, tum jaise log kahin ke nahi hote

Mera maanna hai ke jeevan ka udeshya hona chahiye kala sa sundar hona ... aur agar aap kala ko bandhoge toh woh sab nasht ho jayega, joh jeevan mein sundar hai ya jiska koi arth hai ... bandh ke reh jayenge hum sab

Nadaani mein tumne joh kadam uthaya hai ... woh sirf tumhe hi nahi, poore khandan ko ek aaise modh par le aaya hai ... jahan se har raasta barbadi aur zillat ki taraf jaata hai

Dushmani aur nafrat se zameen par lakeerein kheenchi ja sakti hai ... dilon par nahi

Samundar ki khamoshi apne andar bahut bade toofan ko chupaye hoti hai

Kuch dard apne dil mein chupake rakhne chahiye ... varna apno ko taqleef hoti hai

Apno se chahe jitna bhi pyar karo ... unhe taqleef ke ek pal se bhi bacha nahi sakte