Talab ki raah mein kuch paane se pehle kuch khona padta hai ... bade saude nazar mein ho toh chota hona padta hai

Kab kaha maine ke woh mera ho jaye aur main uski ... gair na ho jaye, itni si hasrat hai toh hai

Kitna mushkil hai mohabbat ki kahani likhna ... jaise pani se, pani pe, pani likhna

Kaun kehta hai qayamat aayegi sab mar jayenge ... hum Bihari hoon pedh pe chad jayenge

Wafa ki aag hum zalim tere dil mein laga denge ... kasam teri kisi din ishq karna bhi sikha denge

Mohabbat mein jeena, mohabbat mein marna ... na aansoon bahana, na fariyad karna

Maangan maran saman hai, arre mat koi maango beekh ... maangan se marna bhala, yeh satguru ki seekh

Kyun aag lagati phirti ho, jab garam hawa se darti ho ... dil pehle jalakar khaak kiya, ab thandi saansein bharti ho

Nigahein woh ki raahgiron pe jinke vaar hote hai ... yeh achchi sooraton waale musafir maar hote hai

Mitt gaye jiske liye naam tak uska na liya ... kaash is baat ki usko bhi khabar ho jaati

Woh toh chalte hai seena ubharke ... kyun na loote maaze vasl-e-yaar ke

Punya kamaye kikri aur peepal daan kare ... jungle jaisa vaid kahan joh sabka dhyan kare

Kaam kare so soonth kare aur kuch kare afeem ... karmo ki gath prani bhukte theli bhare hakeem

Har daffa khaya hai milkar thappad tujhse ... mere mehboob kahin aur mila kar mujhse

Nazar ke milte hi hosh-o-awaaz kho behte ... yeh ibtida hai toh kya hogi intehaa meri

Sitaare doobte jaate hai hookah pee raha hoon main ... har ek dum par chillum ki aag madham hoti jaati hai

Humne tumhare naam ki titli daboch li ... sab rang kayanat ke mutthi mein aa gaye

Kya husn hai, kya jawaani hai ... yeh ladki hai ya pariyon ki rani hai

Vishvas mat karna ispe, naqli hai iska jhanda ... kabhi kutte ke pet se nikla hai murgi ka unda?

Gabrana mat ab main loogna iski jaan ... isse gilori banake khaonga jaise ho Banarasi paan