Jahan burai ke bageeche hai ... wahan unhe tabah karne ke liye aandhiyan bhi toh hoti hai

Rishtey darwazo ki tarah hote hai ... koi naya rishta judhta hai toh darwaze khulte hai ... koi rishta tootta hai toh darwaza bandh ho jaata hai ... par kuch darwaze hum itni zor se bandh karte hai ki woh darasal bandh hi nahi hote ... bas jhoolte reh jaate hai ... aur humein pata bhi nahi chalta par halke se khule reh jaate hai

Power hi hai bhaiya joh aadmi ko banati hai phamous

Agar vakai power ki khwaish ho ... toh dil ke maamlo ko door rakhna chahiye ... aade aate hai

Jab dil dimaag ke raste aa jaaye ... toh khatra pehda hota hai

Bache toh mitti ke khilone hote hai ... kaske pakdo na toh toot jaate hai

Hamare bhoot ka koi bhavishya nahi hota ... lekin woh bhoot hamare vartamaan mein zinda rehta hai

Kisi ka dost, kisi ka raazdaar, kisi ka humdard ... duniya mein har koi kisi na kisi ka kuch hota hi hai

Samaaj mein rehke samaaj se bair nahi kiya ja sakta

Cheenkar pyaas bujhane mein woh maza nahi ... joh paakar pyaas bujhane mein hai

Aatma woh vastu hai ... jise na talwar kaat sakti hai na aag jala sakti hai

Kya cheez hai yeh aansun bhi ... aaisa lagta hai jaise barson ka bhukhaar joh mann mein bhara hua tha ... in do qatre aansuyon mein behke nikal gaya

Yeh aag hoti hi aaisi hai ... sab kuch jala deti hai ... fark bas itna hai ki kahin dikhai deti hai aur kahin nahi dikhai deti

Bebas mohabbat jab baghavat karti hai ... toh duniya ki koi bhi taqat usse rok nahi sakti ... chahe woh aag ka dariya ho ya toofan ka samundar

Pehle uska sign leke aao jisne mere haath mein yeh likha hai ki ... meri maa ek tawaif hai

Maangne waala maangkar dene waale ko maan hi toh deta hai

Jazbaat ki chhot aur dil ka ghaav bahut gehra hota hai ... bahut dard hota hai us mein

Hamara khoon ka rishta zaroor hai ... magar ab nibhane ka nahi ... sirf khoon bahane ka rishta reh gaya hai

Koi kisi ko dokha nahi deta ... sirf halaat hote hai

Jinke haath na ho woh aatma se aashirwad dete hai