Vishvas ek bahut hi nazuk sheesha hota hai ... ek baar toot jaye toh dobara judta nahi

Ek hi chhat ke neeche ek saath rehne waale alag ho sakte hai ... lekin ek hi ghar mein alag alag rehne waale kabhi ek saath nahi ho sakte

Tumne khud mujhe zindagi ke aaise modh par akela chhoda hai ... jahan se aage main badh nahi sakti aur peeche hatne ke kabil nahi rahi

Pyar aur sadbhavna ki badi se badi deewar bhi ... zindagi aur maut ke beech nahi khadi ho sakti hai

Jis aurat ka pesha hi kahi mardon ka dil lubhana hai ... woh zindagi mein jitna chahe dhan kama le ... izzat kabhi nahi kama sakti

Raakh ko koi kitna bhi dehkai ... woh aag nahi ban sakti

Hum jaison ke marne pe hazaaron saikadon log kanda dene aayenge ... aur aap jaise bikau police waale ki arthi uthane ke liye chaar log bhaade pe bulane padenge

Joh dikhta hai woh hota nahi ... aur joh hota hai woh dikhta nahi

Hamare paas duniya par nazar rakhne waali itni aankhen hai ... jitni shayad aasman par sitaare bhi na ho

Swarth se rishtey banane ki jitni bhi koshish karlo rishtey banenge nahi ... sacha pyar jahan ho, kitni bhi koshish karlo ... rishtey tootenge nahi

Zindagi mein kuch cheezein haasil karne ke liye sahi ya galat dekh ke nahi ki jaati ... balki waqt aur halaat dekh ke ki jaati hai

Hamara dil woh dekh sakta hai joh hamari aankhen nahi dekh paati

Ab toh mere liye waqt tehar gaya hai re, zindagi tehar gayi hai ... ab toh sirf saans ke tehar jaane ka intezar hai

Maine tujhe joh izzat di, tune usse meri buzdilli samjha ... maine tujhe joh maan diya, tune uska bahut gumaan kiya ... lekin sach toh yeh hai ki tu kisi izzat ke layak hi nahi hai

Tumhare aur mere beech hamesha ek foot ka fasla reh jaata hai ... jaanta hai kyun? ... kyun ki tu hamesha ek foot neeche se sochta hai (from the heart) ... aur main ek foot upar se (from the mind)

Is duniya mein woh log bahut badkismat hote hai jinhe kisi ka pyar nahi milta ... lekin usse bhi zyada badkismat woh log hote hai jinhe pyar toh milta hai ... lekin uski kadar nahi karte, usse kho dete hai

Jab ek vazir marta hai ... toh mamooli sa pyada, vazir ban jaata hai

Naya kitna hi naya kyun na ho ... uski buniyaad purani hoti hai

Aaj hum joh kuch bhi hai na, yeh aap hi ke wajah se hai ... is liye jitna hum yeh charan thame rahenge na ... utna hi dharam aur badega

Main itni oonchai par khada hoon ... ki mujhe dekhne ke liye gardan itni oonchi uthani padti hai ... ki reed ki haddi toot jaati hai