Main apne haath do hi waqt uthata hoon ... dua ke liye, joh mera imaan hai ... aur zulm ke khilaaf ladne ke liye, joh mera ishq hai

Khushi kisi manzil ko haasil karne mein nahi ... safar mein hi khushi hai

Joh chand ko chhune ki chah rakhta hai ... wohi sitaron tak pahunchta hai

Jab aapke paas options ho aur aap confuse hai ki aapko karna kya hai ... toss karlo ... kyun ki sikka jab hawa mein hota hai, ek pal aisa aata hai jab aapko ekdum clear ho jaata hai ... ki actually aapko kya chahiye

Jab tak hawa mein ho befikar hoke udne ka maza lete raho ... shayad kabhi pair zameen pe padne ki zaroorat hi na pade

Mujhe kisi insaan se koi shikayat nahi hai ... mujhe shikayat hai samaaj ke us dhanche se joh insaan se uski insaaniyat cheen leta hai ... matlab ke liye apne bhai ko beghana banata hai ... dost ko dushman banata hai ... mujhe shikayat hai us tehzeeb se, us sanskriti se jahan murdon ko puja jaata hai ... aur zinda insaan ko pairon tale raunda jaata hai ... jahan kisi ke dukh dard pe do aansoon bahana buzdili samjha jaata hai ... chupke milna ek kamzori samjha jaata hai ... aaise maahaul mein mujhe kabhi shanti nahi milegi, kabhi shanti nahi milegi

Insaan ki izzat jab jaati hai jab woh sachai aur imaan ka daaman chhod deta hai ... insaan ki izzat jab jaati hai jab woh apne zameer ko bech deta hai, insaaniyat ko bech deta hai, sharafat ko bech deta hai ... eent aur patthar ke bane huye makaano ke bikne se insaan ki izzat nahi jaati

Insaan ki pehchaan kapdon se nahi ... karam jogi aur gyan jogi hone se hoti hai

Kal kisi ne nahi dekha hai ... aur kya pata kal aaye ya nahi aaye ... aur main apna har kal aaj mein badal doonga

Jab insaan apne paap ka prayashchit khud karle ... toh usse kisi ke reham-o-karam ka mohtaj nahi hona padta

Preet aur prem ka sambandh atma se hove hai ... shareer se nahi

Zindagi football game se kam thodi hai .... problems ko tackle karo, darr ko block karo, goal ko score karo ... that's life

Ateet hamare bas mein nahi hota hai ... na hi bhavishya hamare kabze mein hota hai ... toh uske baare mein soch ke kya fayda? ... sirf ek cheez par hamara control hota hai ... woh hai aaj, yeh pal joh hamara hai

Meri janam patri, meri kundli, yeh degree hai ... aur iski kismat mein kitne rahu hai kitne ketu, yeh koi jyotshi nahi jaanta

Kisi bhi badi uljhan se nikalne ka sach hi raasta hota hai

Woh zindagi hi kya jis mein koi namumkin sapna na ho

Style sikhaya ja sakta hai ... saadgi yah simplicity nahi

Tumhe lagta hai jab tak duniya nahi badlegi tum nahi badloge ... lekin sach toh yeh hai ki, jab tak tum nahi badalte tab tak duniya nahi badalne waali

Agar samne wale ke andar darr pehda karna hai na ... toh apne andar ka darr nikalna hota hai

If everything is coming your way then you're in the wrong lane