Shakti joh hai woh police, fauj, hathyaron mein nahi hoti ... desh ki shakti uske rajnaitik dhanche mein hoti hai, uski economy mein hoti hai, uski nyay pranali mein hoti hai ... samaaji barabari aur mazhabi bhai-chare mein hoti hai ... aur yeh sab kuch hum mein hamara samvidhaan hum mein deta hai

Kabhi kabhi life mein aaisa lagta hai ki hum sach-much udh sakte hai ... aaisa lagta hai ki yeh ek mauka sirf hamare liye banaya gaya hai

Itne baazu itne sar, ginle dushman dhyan se ... harega woh har baazi, jab khelein hum jee jaan se

Bada sochoge, phir bada banoge

Zarre zarre mein usika noor hai, jhaank khud mein woh na tujhse door hai ... ishq hai usse toh sab se ishq kar, is ibaadat ka yahi dastoor hai ... is mein us mein aur us mein hai wohi, yaar mera har taraf bharpoor hai

Maut sirf shareer ki hoti hai ... sooch ki nahi

Zindagi zaroorto ke hisaab se guzaarni chahiye ... na ki khwaisho ke hisaab se ... kyun ki zaroortein saala fakir ki bhi poori ho jaati ... magar khwaishein badshaho ki bhi adhoori reh jaati hai

Iraada paida karo, iraada ... iraade se asmaan ka chaand bhi insaan ke kadmo mein sajda karta hai

Ummeed ka diya toh zindagi ka diya bujhne ke baad hi bujhta hai

Duniya uske liye lutao jiski duniya sooni hai

Meri machine ka kaam karodon kamana nahi ... karodon ke kaam aana hai

Zindagi mein jab ek darwaza band hota hai ... aur aapko lagta hai thak gaye, haar chuke ho ... toh sirf aur sirf aapki himmat aur shakti aapke liye kayi aur darwaze khol deti hai ... and that's what makes you discover the real you, the fighter in you

Upar waale ne har insaan ko kisi na kisi hunar ya kabiliyat se nawaza hai ... agar hum usse pehchaan le toh kamyabi kahin bhi hasil ho sakti hai

Soyi hui kismat ko jagana ... wohi himmat ka kaam hai

Duniya ke barbaadi ki jadh hai ... ek insaan ka doosre insaan pe hukumat karne ka shauk

Hum har jagah bas apne aapko dhoondte hai ... aur agar woh mil jaye toh phir usse sambhal ke rakh lena chahiye

Apni hi karni ka phal hai naiki aur ruswaiyan ... aap hi ke sang chalengi aap ki parchaiyan

Raat mein soote hue joh sapne aate hai, woh sache nahi hote ... lekin din mein jaagte hue joh sapne dekhe jaate hai, woh hamesha sache hote hai ... kyun ki unka doosra naam hai irrada

Har dharam ka ek hi matlab hota hai ... prem aur shanti ke raaste par chalna

Paramparaon ki lakeerein jab dhundli padh jaati hai ... toh nayi lakeerein kheenchne se parhez nahi karna chahiye