Mana ki bandook aur talwar mein bahut dum hai ... lekin kalam aur kalam ki awaaz hazaron bandookon aur lakhon talwaron par bhari hai

Andhere mein insaan pal do pal ke liye tehar toh sakta hai, aaram kar sakta hai ... par zindagi jee nahi sakta

Jiske dil mein aag lagi hoti hai ... uski insaaniyat bhi ussi aag mein jalkar khaak ho jaati hai

Gareeb ameer ka farak sirf haisiyat se hi nahi ... dil se bhi hota hai

Havas ek aaisi aag hai joh bujhane se aur badhakti hai ... aur anjaam yeh hota hai ki aag bujhti nahi hai ... magar bujhane waala jalkar raakh ho jaata hai

Har positive ka negative hota hai ... roshni ke baad andhera zaroor hota hai

Aaj ke zamane mein izzat ussi ki hai ... joh ya toh kisi ka kuch bighad sakta ho ya phir savaar sakta ho

Jab dil par bhoj ho aur dimag mein pareshani ... toh nishana kabhi fit nahi behatta

Jiske mann mein vasna ho ... woh har kisi ko vasna ke adhin samajhta hai

Rakhail aurat ki koi jaat nahi hoti ... aur na hi koi aurat kisi jayaz ya najayaz aulad ki maa kehlati hai ... woh toh sirf maa hoti hai

Sarang tedi nazar kabhi bardaash kar bhi leta hai ... magar gandi nazar kabhi bardaash nahi kar sakta

Jis maathe par ek baar kalank lag jaata hai ... wahan maang ka teeka shobha nahi deta

Aap beshaq unse pyar thoda kam, lekin wafaa zyada kare

Kuch kahaniyan sunane ke liye nahi ... sirf yaad rakhne ke liye hoti hai

Ajeeb hai na yeh insaani rishtey ... jitna suljhane ki koshish karo utne hi ulajhte jaate hai

Sirf janam se rishtey nahi bante ... pyar se bhi rishtey bante hai

Apno ke jaane ki taqleef zyada hoti hai ... ya apno ke naa aane ki?

Joh cheez bikau na ho aap sirf uska daam laga sakte hai ... uski keemat nahi chuka sakte

Pyar us luxury ka naam hai joh baaki luxuries ke saath mile toh achcha lagta hai

Is shehar mein jab roshni ki aadat padh jaye na ... toh andheron se darr lagne lagta hai