Sach ko sach karne ke liye do logon ki zaroorat padti hai ... ek joh sach bol sakta hai ... aur doosra joh sach sun sakta hai

Sachai ke saath saath agar kuch chahiye toh woh hai sansani ... yehi hai aaj ki sachai

Jhooth ko sach banane ke liye saboot ki zaroorat hoti hai ... sach toh khud ek saboot hai

Main daulat ke maidaan mein gareeb zaroor hoon ... lekin imaandari aur sharafat ke maindaan mein bahut zyada amir hoon

Jhoot ki raakh se sachai ki aag ko nahi bhujaya jaa sakta

Raajneeti ke rath ko wohi ghode keenchte hai ... jinki aankhon pe wafaadari ki patti bandhi ho

Pyar duniya ki sabse khoobsurat sachai hai

Kagaz phadne se likhai mitt sakti hai lekin sachai nahi

Joh zanjeeron mein jakde hote hai woh hamesha gaddar nahi hote ... aur joh oonchi kursiyon par behte hote hai woh hamesha wafaadar nahi hote

Insaan joh bane, jab bane, yog se bane toh sach hai ... swarth aur kamzori ke karan mahatma ka roop bhi dharan kare toh jhoot hai

Agar kisi nek kaam ke liye jhoot bolna padhe ... toh woh jhoot sau sach ke barabar hai

Meri teen baatein yaad rakhna bete ... sachai se kabhi mooh modna nahi, zulm ke aage kabhi jhukna nahi, dil ki pehli awaaz sunna ... kyun ki pehli awaaz parmatma ki hoti hai ... bad mein shaitan bolta hai

Har cheez joh dikhai deti hai sach toh nahi hoti

Kaale bazaar ke andhere mein kisi ki shakal nazar nahi aati ... na kanoon ki, na sachchai ki, na rishteydaro ki aur na aulad ki

Prem sachchai hai ... is sachchai ko aaj tak na koi maar saka hai aur na koi maar sakega

Roz sach bolta hoon toh pitai ... aaj pehli baar jhoot bola toh mithai

Mera beta sharafat ki missile hai missile

Sachchai ke liye kisi bhi cheez ko kurbaan kiya ja sakta hai ... magar kisi bhi cheez ke liye sachchai ko kurbaan nahin kiya ja sakta

Agar tu ungli nahi karta ... toh apni bhi ginti shareefon mein hoti

Yeh duniya ek akhada hai ... jhe ma sach aur jhooth naam ke dui pehalwan lad rahe hai ... aur jab tak sach naam ka pehalwan jhooth naam ke pehalwan ko pachaad nahi deta ... tab tak yeh ladai jaari rahegi