Meri maa ka ek ek aasoon teri chitta ka angaar banega ... aur teri sau sau cheekhen mere pita ki ek ek cheekh ka muhafaza degi

Tere baap ke telephone par khulne waale darwaaze jail ke nahi ... kothon ke honge ... tere baap ke ishaaron par adalaton ke faisle nahi ... tawaifon ki adaein badalti hogi

Hai Ram kya waqt aa gaya hai ... maa ki shiksha ka amrut bhi beti ko zehar lag raha hai

Khili thi chaandni, charon taraf pani barasta tha ... main jab pehda hua, toh meri maa roti thi aur baap hasta tha

Khali fees bharne se papa hone ki duty poori nahi hoti ... papa ki duty hoti hai bachchon ki khushiyan

Khilono aur tohfo ki bachchon ko itni bhook nahi hoti jitni maa baap ke pyar ki

Agar maa ki mamta ho sakti hai ... toh kya baap ki bapta nahi ho sakti

Rishton ki mehak bhi le udhe paad ... ab baap pehda ho rahe hai beton ke baad

Betiyan baap ki pagdi mein lipti hoti hai ... pagdi utar jaye toh woh nangi ho jaati hai

Dharti par pedh ughe toh sab usse dharti maa kehke uski puja karte hai ... tab yeh koi jaanne ki koshish nahi karta ki iska beej kahan se aaya ... lekin aurat ke bache ko uske baap ke naam se hi jaana jaata hai is duniya mein

Joh udaasiyan bachchon ko khushiyan de jaye ... woh maa baap ko hamesha manzoor hoti hai

Insaan apne maa baap ke naam se nahi ... apne ghuno se achcha ya bura samjha jaata hai

Apni dharti se gaddari karna ... matlab apni maa ke saath gaddari karna

Jab baap ka joota bete ke paon mein aa jaaye ... toh woh bachcha nahi rehta

Aaj kal toh maa baap sirf shaadi ki date aur hall ki booking karne ke liye reh gaye hai

Tumhari maa toh kohd se mar gayi bete ... magar is Bharat maa ko kohd mat hone dena

Sau sukh paaye maat pita jinke hoth sapoot ... narak bhog jeeye jaat hai jinke hoth kapoot

Jis aulaad ke saath maa ka aashirwad aur baap ki dua ho ... woh haathon se nahi laaton se bhi kaam chala sakte hai

Maa ki mamta ko maut ke thapadhe bhi nahi badal sakte

Umar ke saath saath na parents bachche ban jaate hai aur bachche parents