Do tarah ke log humein bilkul pasand nahi hai ... ek joh ooncha bole ... aur ek joh ooncha sune

Shohrat cheez hi aisi hoti hai ... log isse sirf cheenna jaante hai, baatna nahi jaante

Problem kahin nahi hai ... yehi sabse badi problem hai

Ab hamare darmiyan sirf ek parda hai joh saaya banke haqeeqat ko chupaye huye hai ... aur woh parda tum ho ... tum ho, tum ho, tum ho

Neeche girne ka sabse aasaan rasta pata hai kya hai ... jinhone bachpan se saath diya ho, unka haath chhodna

Insaan samajhta apni samajh ke hisaab se hi hai

Insaan rishton se nahi, apno se anaath hota hai

Kuch log apne naam se jaane jaate hai toh kuch log apne kaam se ... lekin kuch log aise bhi hote hai joh apne kaam se apne naam ki pechaan banate hai

Sache dil se ki gayi sau galatiyan maaf ... jaan bujh kar ki gayi ek bhi galati ke liye koi maafi nahi

Sahi aur galat kaun decide karta hai ... main batata hoon ... agar sau log milke galat kaam bhi kare toh woh sahi kehlate hai ... aur ek aadmi akela sahi kaam kare toh woh galat

Kitaabein ho ya armaan ... samne wale ko qadr na ho toh raddi hi hote hai

Meri izzat mere tann mein nahi, mere mann mein hai ... aur usse wahan se koi nahi loot sakta

Jab dil toot'ta hai na ... toh life ke sabse khoobsurat rishtey hum pehchaan nahi paate

Mujhe hurt karoge, chalega ... lekin mere ego ko hurt karoge, woh nahi chalega

Ek murder ke clues murder se pehle nahi ... balki murder ke baad kya hota hai us mein chupe hote hai

Past ko bhoola ja sakta hai, usse bacha nahi ja sakta ... ek na ek din woh aakar hamare saamne zaroor khada ho jaata hai

Zabardasti ka pyar aur khatirdari ka udhaar nahi rakhna chahiye

Agar aaj main khada nahi hua ... toh faisla kabhi nahi hoga

Agar ho baat toh baat banti hai ... aur baat jab banti hai ... phir kahe bhi banti hai, sunne bhi banti hai

Hum insaan bhi kamaal ki cheez hai ... bade bade se rocket wahan door door aasmaan tak pahuncha dete hai ... lekin joh hamare kareeb hote hai unki choti choti nafraton ko chhod nahi sakte hai